Kriag – Klassik

Des Schlimmste auf da Wejt, wos gibt,

is Kriag – mi frierts scho bei dem Wort…

S werd gschossn, gsprengt und gstocha, köpft,

a Feind muaß umbrocht werdn, sofort….

 

Bist a Sojdat, muaßt rechna mit

an Kopfschuss, Bauchschuss  oda so,

ob freiwillig, obs d eizogn bist,

des is vielleicht ja obligo*.

 

Und laufst davo, bist desertiert,

werst deswegn aa daschossn glei…

Wer hat den Kriag erfundn bloß?

Ja, muaß denn sowos wirkli sei?

 

 

 

 

 

 

 

 

 

Wenn aba Zivilistn dann

durch Bombn oda goar durch Gas

werdn umbrocht, is s a Sauarei,

do heart si wirkli auf das „Gspaß“ !

 

Drum lassts uns sorgn, dass d Politik

a so an Schmarr ganz gwieß vameidt,

und dass d Regierung ojsse duad

dass in Europa friedli bleibt !

 

*Verpflichtung, verbindlich

 

Paul Uhl, Klassik                    P.U.  04.05.17

1 Star2 Stars3 Stars4 Stars5 Stars (Noch keine Bewertung.)

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.