Manche Dog… – Klassik

`S gibt Dog, do bin i ned guad drauf:
Ois ersts regt mi da Wecka auf…
Und draußt – schau hi – mei, regna duads!
Da heitig Dog bringt gwieß nix guads!

Mi´n linkn Fuaß ois ersts bin i
heit aus´m Bett, a Idiotie !
As Zahnputzglasl glei dahaut…
Mei Weibal hat fei bös her gschaut!

Und beim Rasian – mei- des woar hirt* –
hab i mi gschniedn** – und glei so bliat…
Drei Mann zum Bluatrüahrn hätt i braucht!
Mei Wei hat mi glei zamma gstaucht:

„Da Badvorlega is ganz nei –
mei´ – du mit deiner Sauerei!“
As Mai vabrennt, weil da Kaffee
war ziemli hoaß – des duad fei weh!

Und wiar i fluach, do foitt ma ei:
Des kunnt a so a Dagal sei,
wo nix wos werd… – Drum bin i hoit
ins Bett wieda! – Und bloß mit Gwoitt

hätt mi heit oana aussa kriagt!
Hob schnarcht, dass si da Bettlodn biagt…
Do braucht´s Eich goar ned eschoffiern:
Des kannt Eich gwieß leicht aa passiern!?

Paul Uhl

* hirt = ndby: hart
** geschnitten

1 Star2 Stars3 Stars4 Stars5 Stars (Noch keine Bewertung.)

2 Kommentare

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.